Apple yangi AirPods 5 narxini $50 ga pasaytirdi

Apple 9-sentabrdagi taqdimotida yangi AirPods 5 naushniklarini taqdim etdi. Qurilmalar yangilangan texnik ta’minot, takomillashtirilgan ovoz profili va moslashuvchan ekvalayzer bilan jihozlangan.

Yangi modelda shovqinni faol bostirish funksiyasi ham paydo bo‘ldi. Kompaniyaga ko‘ra, uning samaradorligi avvalgi avlodga nisbatan 50% ga oshirilgan va bu funksiya endi boshlang‘ich versiyada ham mavjud.

AirPods 5 chang va namlikdan IP57 standarti bo‘yicha himoyalangan. Shovqinni bostirish funksiyasi yoqilgan holatda naushniklar besh soatgacha ishlashi mumkin.

Yuqori versiya sensorli oyoqchalari va simsiz quvvatlashni qo‘llab-quvvatlaydigan keys bilan farqlanadi. Bazaviy versiyani esa sim orqali quvvatlash kerak bo‘ladi.

AirPods 5 narxi oshmagan, aksincha, pasaygan. Shovqinni bostirish funksiyasiga ega versiya $129dan, simsiz quvvatlashni qo‘llab-quvvatlaydigan keysli versiya esa $149dan sotiladi.

Kapital.uz avvalroq yangilangan iPhone 18 modellarini narxlari haqida xabar bergandi.