2024-yilda O‘zbekistonda 75 mingdan ortiq yangi korxona ro‘yxatdan o‘tdi

2024-yilda O‘zbekistonda 76,6 mingta yangi korxona ro‘yxatga olindi. Bu haqda Statistika agentligi xabar berdi.

Kompaniyalarning asosiy qismi savdo sohasida – 28 ming va sanoat sohasida – 12,9 ming tashkil etilgan. Uchinchi o‘rinda qishloq xo‘jaligi, o‘rmon va baliqchilik sohasi – 9,1 ming korxona bilan joylashgan. Keyingi o‘rinlarda turar joy va ovqatlanish sohasi – 5,6 ming hamda qurilish – 3,9 ming yangi korxona ro‘yxatga olindi.

Boshqa sohalar bo‘yicha:

• Axborot va aloqa – 2,9 ming;
• Yuk tashish va saqlash – 2,7 ming;
• Sog‘liqni saqlash va ijtimoiy xizmatlar – 1,5 ming;
• Boshqa sohalar – 11,9 ming.