«Wizz Air» aviakompaniyasi Yevropadan O’zbekistonga reyslarni yo’lga qo’yishni rejalashtirmoqda

O'zbekiston elchisi Oybek Shahavdinov Budapeshtda «Wizz Air» prezidenti Robert Keri bilan uchrashdi

«Wizz Air» aviakompaniyasi Yevropa poytaxtlari va O’zbekiston shaharlari o’rtasida to’g’ridan-to’g’ri aviatashuvni yo’lga qo’yishni rejalashtirmoqda. Bu haqda «Dunyo» axborot agentligi xabar bermoqda.

O’zbekiston elchisi Oybek Shahavdinov va aviakompaniya prezidenti Robert Keri o’rtasidagi uchrashuvda «Wizz Air»ning mamlakat aviatsiya bozorida ishtirokini kengaytirish muhokama qilindi.

Eslatib o’tamiz, 2022 yil dekabr oyidan boshlab «Wizz Air» aviakompaniyasi Abu-Dabidan Samarqandga muntazam parvozlarni boshladi, o’tgan yilning yanvar oyidan esa Abu-Dabi–Toshkent–Abu-Dabi yo’nalishini ham ishga tushirdi.