YeTTB O’zbekistonda qayta tiklanadigan vodorod ishlab chiqarish uchun $65 mlnlik kredit ajratadi

Yevropa tiklanish va taraqqiyot banki (YeTTB) 20 MVt quvvatga ega elektrolizator va $65 mlnlik qayta tiklanadigan vodorod ishlab chiqarish uchun 52 MVt quvvatga ega yangi shamol elektr stansiyasini quradi.

YeTTB mablag’lari “ACWA Power UKS Green H2” kompaniyasiga qurilmani ishlab chiqish, loyihalash, qurish va ishlatish uchun beriladi. 

Ushbu kompaniya “ACWA Power” (xalqaro ishlab chiquvchi, investor, elektr energiyasi va tuzsizlangan suv ishlab chiqarish qurilmalari kompleksining ham mulkdori va operatori) hamda O’zbekiston davlat kimyo korxonalari xolding kompaniyasi “O’zkimyosanoat” (UKS)ga tegishli.

Moliyaviy paketga YeTTBdan $55 mlnlik kredit va Kanada tomonidan iqlim o’zgarishiga qarshi kurashda yuqori daromadli sheriklik jamg’armasi orqali taqdim etilgan $10 mlngacha imtiyozli moliyalashtirish kiradi. Bundan tashqari, YeTTB $5,5 mlngacha oraliq kredit berishni rejalashtirmoqda.

Ushbu zavod 2022 yilda Misrda shunga o’xshash loyihani muvaffaqiyatli qo’llab-quvvatlaganidan so’ng, qayta tiklanadigan vodorod ishlab chiqarish bo’yicha YeTTBning ikkinchi loyihasi bo’ladi. 

O’rnatish tabiiy gazdan olingan va ammiak o’g’itlarini ishlab chiqarishda ishlatiladigan “kulrang” vodorodni qayta tiklanadigan vodorod bilan almashtirishga imkon berishi kutilmoqda, bu sektorni karbonsizlashtirish yo’lidagi muhim qadamdir. Qurilish tugagandan so’ng har yili uch ming tonnagacha o’g’it ishlab chiqarish rejalashtirilgan.