O’zbekistonda yer uchastkalarini bo’lib-bo’lib sotib olish imkoniyati joriy etiladi

O’zbekistonda qishloq xo’jaligiga tegishli bo’lmagan yer uchastkalarini mulk yoki ijara va qishloq xo’jaligi yer uchastkalarini ijaraga olish huquqi asosida sotib olganlik uchun bo’lib-bo’lib to’lash imkoniyati nazarda tutiladi. Bu haqda Adliya vazirligi xabar bermoqda.

Joriy yilning 6 sentabr kuni prezidentning tadbirkorlik va shaharsozlik faoliyatini amalga oshirishda yer resurslarining investitsiya imkoniyatlaridan samarali foydalanish chora-tadbirlari to’g’risida farmoni qabul qilindi.

To’lovlar har oyda Markaziy bankning asosiy stavkasi bo’yicha foizlar bilan teng ulushlarda amalga oshiriladi. Toshkent, Nukus va viloyat markazlaridagi uchastkalarda bo’lib-bo’lib to’lash muddati 3 yil bo’ladi, bunda summaning kamida 35% to’lanadi va birinchi to’lov 15 ish kuni ichida amalga oshiriladi. 

Boshqa aholi punktlarida bo’lib-bo’lib to’lash muddati 5 yil, to’rtinchi va beshinchi toifadagi tumanlar uchun esa kamida 15% miqdorida dastlabki to’lov sharti bilan 10 yil bo’ladi. Agar butun summa 15 ish kuni ichida to’langan bo’lsa, 20% chegirma mavjud. 

Hokimliklar eng foydali takliflarni tanlab, sanoat zonalari, turar-joy massivlari, savdo va servis komplekslarining shaharsozlik rejalarini ishlab chiqish uchun loyiha tashkilotlarini tanlov asosida jalb etish huquqiga ega bo’ladilar.