O‘zbekiston yarim yilda $420 mlndan ortiq yengil avtomobil import qildi

Ularning 14,3 mingtasi elektromobillar hissasiga to‘g‘ri keladi

Фото: Абдумавлон Мадмусаев / Kapital.uz

Yanvar-iyun oralig‘ida O‘zbekiston $422,1 mlnga 24,3 mingta yengil avtomobil import qilgan. Bu ma’lumotni Milliy statistika qo‘mitasi e’lon qildi.

Ularning 14,3 ming donasini elektromobillar tashkil etdi.

Avtomobillarning eng ko‘p qismi Xitoydan — 21,3 ming dona keltirildi. Ikkinchi o‘rinda 2 mingdan ortiq avtomobil bilan Janubiy Koreya turibdi. Hindiston olti oy davomida O‘zbekistonga 168 ta, Yaponiya va AQSH esa 145 tadan mashina yetkazib berdi. Boshqa davlatlardan esa yana 466 ta avtomobil import qilindi.

Yanvar-mart oylari mobaynida O‘zbekistonga $115,1 mlnlik 6,9 mingta yengil avtomobil olib kirilgan.