O’zbekistondagi xorijiy kompaniyalar qancha soliq to’laganligi aniqlandi
Eng katta miqdor «Meta»ga to'g'ri keldi
![O’zbekistondagi xorijiy kompaniyalar qancha soliq to’laganligi aniqlandi](https://kapital.uz/wp-content/uploads/2024/02/frame-68-42.jpg)
Фото: Абдумавлон Мадмусаев / Kapital.uz
2023 yilda O’zbekistonda elektron xizmatlar ko’rsatuvchi 56 ta xorijiy kompaniya 70 mlrd so’mlik soliq to’ladi. Bu haqda O’zbekiston 24 telekanali xabar bermoqda.
To’langan soliqlarning 90% dan ortig’i 10 ta xorijiy elektron xizmat ko’rsatuvchi kompaniyalarga to’g’ri keladi.
Eng yirik soliq to’lovchi hali ham Meta (Facebook Whatsapp) bo’lib, u taxminan 26,4 milliard so’m to’lagan. Ikkinchi yetakchi Google bo’ldi — 20,3 mlrd so’m. Uchlikka Apple kompaniyasi 12,9 mlrd so’m bilan kirdi.
Qolgan eng yirik soliq to’lovchilar ham ma’lum bo’ldi:
Amazon — 2,2 mlrd so’m;
Booking.com — 1,6 mlrd so’m;
Netflix — 1,2 mlrd so’m;
Xsolla — 816 mln so’m;
Zoom — 763 mln so’m;
Yandex — 690 mln so’m;
Adobe — 437 mln so’m.
Moliya va biznes haqida ko'proq yangiliklar Telegram kanalda @KPTLUZ