1-maydan boshlab Tailandga kirish qoidalari o‘zgaradi

Tailand Qirolligi Tashqi ishlar vazirligi mamlakatga kirishning yangi tartibi joriy etilganini rasman ma’lum qildi.

Unga koʻra, 2025-yil 1-maydan boshlab, Tailand Qirolligiga kiruvchi barcha chet el fuqarolari Tailandga kirish kartasini (Thailand Digital Arrival Card, TDAC) mamalakatga yetib kelish sanasidan 3 kun oldin maxsus platforma orqali olishlari shart.

«Shu munosabat bilan Tailandga borishni rejalashtirgan O‘zbekiston fuqarolarida Qirollikning mazkur qarorini hisobga olishlarini so‘rab qolamiz», — deb ogohlantirdi O‘zbekiston tashqi ishlar vazirligi rasmiy manbasi.