O’zbekistonga qancha sayyoh kelgani ma’lum bo’ldi

Joriy yilning yanvar-may oylari davomida O’zbekistonga 2,8 mln xorijiy fuqarolar sayyohlik maqsadida kelgan, bu o’tgan yilning shu davriga nisbatan 9,6%ga ko’pdir. Bu haqda statistika agentligi xabar bermoqda.

Tojikiston O’zbekistonga tashrif buyurgan fuqarolar soni bo’yicha birinchi o’rinni egallaydi — 871,5 ming kishi, ikkinchi o’rinda Qirg’iziston — 857 ming kishi.

Turli mamlakatlardan sayyohlik maqsadida kelgan chet el fuqarolari quyidagilar:

• Qozog’iston — 498,2 ming kishi;
• Rossiya — 289,6 ming kishi;
• Turkmaniston — 53,8 ming kishi;
• Turkiya — 42,1 ming kishi;
• Hindiston — 23,2 ming kishi;
• Xitoy — 22,8 ming kishi;
• Italiya — 15,3 ming kishi;
• Janubiy Koreya — 15,1 ming kishi;
• Boshqa mamlakatlar — 148,7 ming kishi.