O‘zbekistonda pasport qoidalarini buzganlik uchun jarimalar miqdori o‘zgartirildi

Prezident Shavkat Mirziyoyev 11-iyul kuni “O‘zbekiston Respublikasi fuqarolarini, chet el fuqarolarini hamda fuqaroligi bo‘lmagan shaxslarni yashash joyi va turgan joyi bo‘yicha ro‘yxatdan o‘tkazish to‘g‘risida”gi qonunni imzoladi.

Hujjat bilan Ma’muriy javobgarlik to‘g‘risidagi kodeksga pasport tizimi va bo‘lish qoidalarini buzganlik uchun jarimalar miqdorini yumshatish yoki aniqlashtirish nazarda tutilgan bir qator o‘zgartirishlar kiritildi. Yangi jarimalar allaqachon kuchga kirgan.

Jumladan, MJTKning 223-moddasiga quyidagicha o‘zgartirish kiritildi:

Xuddi shu tartib mamlakatda doimiy yashovchi chet el fuqarosi va fuqaroligi bo‘lmagan shaxsning ID-kartasiz (yashash guvohnomasisiz) yoki muddati o‘tgan ID-karta bilan yashashi bo‘yicha ham qo‘llanadi.

O‘zbekiston fuqarosining pasporti, ID-kartasi yoki xorijga chiqish pasportini, mamlakatda doimiy yashovchi xorijlik yoki fuqaroligi yo‘q shaxsning ID-kartasi yoki harakatlanish hujjatini yaroqsizlantirish yoki yo‘qotib qo‘yishi 1 BHM (375 ming so‘m) miqdorida jarima bilan jazolanadi (yarimdan 3 BHMgacha edi).

Shu huquqbuzarlik ma’muriy jazo chorasi qo‘llanganidan keyin bir yil davomida takror sodir etilgan bo‘lsa, 5 BHM (1 mln 875 ming so‘m) miqdorida jarima solishga sabab bo‘ladi.

Bundan tashqari, O‘zbekiston fuqarosining, mamlakatda doimiy yashovchi chet el fuqarosining va fuqaroligi bo‘lmagan shaxsning yashash joyi yoki turgan joyi bo‘yicha ro‘yxatdan o‘tmasdan yashashi, 3 BHM (1,125 mln so‘m) miqdorida jarima solishga sabab bo‘ladi (avval yarimdan 3 BHMgacha).

Huquqbuzarlik bir yil davomida takror sodir etilsa, jarima 5 BHM (1 ming 875 ming so‘m) miqdorida bo‘ladi.

O‘zbekistonda yashashiga ruxsat berilgan chet el fuqarolari yoki fuqaroligi yo‘q shaxslar hujjatsiz yoki ro‘yxatga olishsiz yashaganda, avvalgidek, 5 BHM, takroriysida 10 BHM miqdorida jarima solinadi.

Fuqarolarning ayrim toifalari jarimadan ozod qilinadi:

• voyaga yetmaganlar (18 yoshgacha);
• 60 yoshdan oshgan keksalar;
• to‘liq davlat ta’minotida bo‘lgan shaxslar;
• favqulodda vaziyatlar, tabiiy yoki texnogen ofatlar, yong‘in yoki uy-joy qulashi kabi maishiy hodisalar qurbonlari;
• ishda ayblanuvchi yoki sudlanuvchi sifatida ishtirok etayotgan va ularning pasporti yoki shaxsiy guvohnomasining amal qilishi sud tomonidan to‘xtatib qo‘yilgan shaxslar;
• jazoni o‘tayotgan yoki ozodlikka chiqib bir oy ichida yangi hujjatlarni olish uchun ariza berganlar;
• jinoyat natijasida hujjatlarni yo‘qotgan shaxslar;
• xizmat burchini, fuqarolik burchini bajarish chog‘ida fors-major holatlari yoki zaruriy mudofaa natijasida pasporti yoki shaxsiy guvohnomasini yo‘qotgan shaxslar — hujjatli dalillar bilan.

Bundan tashqari, Ma’muriy javobgarlik to‘g‘risidagi kodeksning 223−3-moddasiga ko‘ra, pasport yoki shaxsiy guvohnomani garovga o‘tkazganlik uchun jarima 2 BHMga (ilgari 10 dan 15 BHMgacha edi) tushirildi.

Pasport yoki shaxsiy guvohnomani noqonuniy olib qo‘yish uchun jarima 10 BHM (ilgari 10 dan 15 BHMgacha) bo‘ladi.