Litvada O’zbekistonning ikkinchi savdo uyi ochildi

Shuningdek, tomonlar $10 mlndan ortiq eksport shartnomalari tuzdilar

Фото: «Дуне»

Litvaning Klaipeda shahrida O’zbekiston savdo uyi ochildi. Bu haqda «Dunyo» axborot agentligi xabar bermoqda.

Tadbir davomida $10,1 mlnlik eksport shartnomalari imzolandi.

Ushbu savdo uyi orqali O’zbekiston tadbirkorlarga Litvaning yirik sanoat korxonalari bilan o’zaro manfaatli hamkorlikni yo’lga qo’yish, mahalliy mahsulotlar eksportini ko’paytirish va mamlakatga investorlarni jalb qilishda amaliy yordam beradi.

Savdo uyi O’zbekiston savdo-sanoat palatasi va Litvaning eng yirik logistika va stividor kompaniyasi «VEGA» Klaipeda hududidagi davlat portida joylashgan Litvaning «O’zterminal» kompaniyasi tomonidan tashkil etilgan.

2023 yil iyun oyida Vilnyusda Litvada O’zbekistonning birinchi savdo uyi ochilgan edi.