O’zbekiston prezidenti ish haqini himoya qilish to’g’risidagi Konvensiyaga qo’shilishni tasdiqladi

12 mart kuni O’zbekiston prezidenti Shavkat Mirziyoyev ish haqini himoya qilish to’g’risidagi xalqaro konvensiyani ratifikatsiya qilish to’g’risidagi qonunni imzoladi. Bu haqda Adliya vazirligi xabar bermoqda.

Fevral oyida Senat xalqaro mehnat tashkilotining ish haqini himoya qilish to’g’risidagi Konvensiyasini ratifikatsiya qilishni ma’qulladi, uni dunyoning 99 ta  mamlakati qo’llab-quvvatladi. Ushbu Konventsiya ishchilarga ish haqini o’z vaqtida naqd pulda to’lashni ta’minlashga qaratilgan. Uning qoidalari barcha ish haqi oluvchilarga taalluqlidir va iqtisodiyotning barcha tarmoqlari va ishchilar toifalarini qamrab oladi.

Ushbu Konvensiya ish haqini qarzlar, kvitansiyalar, kuponlar, yuqori alkogolli ichimliklar yoki zararli giyohvand moddalar shaklida to’lashni taqiqlaydi. Bundan tashqari, u ishchilar huquqlarini himoya qiladi va mehnatni muhofaza qilishning milliy tizimini takomillashtirishga yordam beradi.

Senatorlar ushbu konvensiyani ratifikatsiya qilish milliy mehnat qonunchiligini takomillashtirishga, xalqaro mehnat standartlarini samarali amalga oshirishni ta’minlashga va O’zbekistonning ishchilar huquqlarini kafolatlash sohasidagi asosiy xalqaro tamoyillar va standartlarga sodiqligini tasdiqlashga xizmat qilishini ta’kidladilar.