O’zbekistonda davlat mulkini ijaraga berish qoidalarini buzganlik uchun jarimalar joriy etildi

Prezident Shavkat Mirziyoyev davlat mulkini ijaraga berish to’g’risidagi qonun hujjatlarini buzganlik uchun javobgarlikni kuchaytiradigan qonunni imzoladi. Bu haqda Adliya vazirligi xabar beradi.

Ma’muriy javobgarlik to’g’risidagi Kodeksga o’zgartirishlar kiritildi.

Davlat mulkini ijaraga berishdagi qoidabuzarliklar, masalan, shartnoma tuzmasdan ijaraga berish, ijarachiga kirishni cheklash yoki shartnomada mulkning noto’g’ri parametrlarini ko’rsatish, endi mansabdor shaxslar uchun 5 dan 10 BHMgacha (1,7 mlndan 3,4 mln so’mgacha) jarima solishga sabab bo’ladi.

Agar yil davomida takroriy qoidabuzarlik sodir etilsa, jarima 10 dan 15 BHM gacha (3,4 mlndan 5,1 mln so’mgacha) bo’lishi mumkin.