O’zbekiston va Janubiy Koreya qo’shma IT biznes-alyansini tashkil etadi

O’zbekiston va Janubiy Koreya O’zbekiston-Koreya IT biznes-alyansini tashkil etish to’g’risida bitim imzoladilar. Bu haqda IT-Park matbuot xizmati xabar berdi.

Marosimda imzolangan bitimga ko’ra, Koreya va O’zbekistonda IT-xizmatlarning O’zbekistondan Koreya bozoriga eksportini oshirish, kompaniyalar bilan muzokaralar olib borish va O’zbekistonni istiqbolli autsorsing yo’nalishi sifatida ilgari surish maqsadida qo’shma IT-vakolatxonalar tashkil etiladi.

Shuningdek, alyans Koreya bozorida o’z loyihalari va xizmatlarini ilgari surishdan manfaatdor bo’lgan o’zbekistonlik kompaniyalarga amaliy yordam beradi. Tadbir doirasida «Seoul Digital Foundation» va «Miso Information Technology» ushbu IT biznes alyansining birinchi ishtirokchilari bo’ldi.