“Avito” MDH bozoriga kirishni rejalashtirmoqda

Rossiyaning “Avito” e’lonlar xizmati kapitalning ommaviy bozorlariga chiqish imkoniyatini ko‘rib chiqmoqda. Bu haqda “Interfaks” xabar berdi.

2025-yil aprel oyida Rossiya qishloq xo‘jaligi banki boshqaruvidagi tuzilma “Avito”ning 50% lik ulushiga ega bo‘ldi. Bitimning moliyaviy tafsilotlari ma’lum qilinmadi. Ushbu bitim 2022-yilda boshlangan Kismet bilan hamkorlikning bir qismi bo‘lib, o‘shanda RQXB kompaniyani sotib olishda moliyalashtiruvchi tomon sifatida qatnashgan edi.

Kismet asoschisi Ivan Tavrinning ta’kidlashicha, har ikki tomon “Avito” jamoasini qo‘llab-quvvatlashni davom ettirish va uning bozor qiymatini oshirishga hissa qo‘shish niyatida, shu jumladan ommaviy bozorga chiqish imkoniyatini ham ko‘rib chiqmoqda.

Xizmat Rossiyada 2007-yilda faoliyatini boshlagan. Saytda e’lonlarni ham oddiy foydalanuvchilar, ham biznes kompaniyalar joylashtirishi mumkin.