O‘zbekistonda Ai-92 benzinini ishlab chiqarish hajmi 100 ming tonnagacha oshirildi

11-dekabr kuni Qonunchilik palatasi yig‘ilishida energetika vaziri Jo‘rabek Mirzamahmudov qishda gaz to‘ldirish shoxobchalariga cheklovlar qo‘yilgan va talab ortib borayotgan bir paytda yoqilg‘i ta’minoti uchun kompensatsiya to‘lash rejalari haqida ma’lumot berdi.

Uning so‘zlariga ko‘ra, mamlakatni avtomobil benzini, dizel yoqilg‘isi va mazut bilan barqaror ta’minlash uchun qo‘shimcha choralar ko‘rilgan. Dizelga bo‘lgan umumiy talab 776 ming tonnaga yetishi kutilmoqda. Ushbu talabni qoplash uchun yetkazib berish rejalashtirilgan (jami 740 ming tonna, bu belgilangan talabdan past):

• 317 ming tonna — “O‘zbekneftgaz”;
• 196 ming tonna — Saneg kompaniyasi;
• 227 ming tonna — import.

Vazir turizm va aviaqatnovlarning o‘sishi tufayli aviakerosinga talab kun sayin ortib borayotganini ta’kidladi.

223 ming tonna aviatsiya kerosiniga bo‘lgan talabni qondirish uchun biz 168 ming tonnani o‘zimiz ishlab chiqarishni, 74 ming tonnasini import qilishni rejalashtiryapmiz, — dedi u.

Mirzamahmudovning eslatishicha, Ai-80 benzinini ishlab chiqarish 1-sentabrda to‘xtatilgan, 1-dekabrdan beri sotilmayapti. Uning o‘rnini qoplash uchun yuqori navli benzin ishlab chiqarish ko‘paytirildi:

Biz Ai-92 va undan yuqori benzin ishlab chiqarishni oyiga 80 ming tonnadan 100 ming tonnagacha oshirdik. Biz nafaqat ishlab chiqarishni oshirdik, balki zaxira ham yaratdik.

Davlat gaz zaxirasidan tashqari, “O‘zbekneftgaz” hozirda qishki ehtiyoj uchun 85 ming tonna benzin zaxirasiga ega.