O‘zbekistonda 5 grammlik oltin quyma narxi ilk bor 6,8 mln so‘mdan oshdi

11-aprel kuni o‘lchovli oltin quymalarning narxi yangi rekord ko‘rsatkichga yetdi. Bu haqda Markaziy bank xabar berdi.

1 gramm oltin 1,376 mln so‘mga baholanmoqda. 5 grammlik o‘lchovli quyma 6,883 ming so‘mdan sotilmoqda.

Regulyator tomonidan oltin quymalari bo‘yicha taqdim qilingan ma’lumotga ko‘ra:

• 5 gramm o‘lchovli oltin quyma narxi 6, 883 mln so‘m;
• 10 gramm oltin quyma narxi 13,766 mln so‘m;
• 20 gramm oltin quyma narxi 27,531 mln so‘m;
• 50 gramm oltin quyma narxi 68,828 mln so‘m;
• 100 gramm oltin quyma narxi 137,656 mln so‘mni tashkil qiladi.

11-aprel kuni oltinning jahon kotirovkalari troya unsiyasi uchun $3200dan oshdi.