Xitoy kompaniyasi Ohangaron tumanida $2 mlrdlik elektr stansiyasini qurishni rejalashtirmoqda

Xitoyning Baibuting group co. ltd kompaniyasi Ohangaron tumanida quyosh, shamol va gidro resurslaridan foydalangan holda elektr stansiyasini qurish bo’yicha $2 mlrdlik memorandum imzoladi. Bu haqda Toshkent viloyati matbuot xizmati xabar bermoqda.

Kompaniya rahbari Mao Yong Xong ushbu loyihani amalga oshirish uchun yana 10 dan ortiq boshqa kompaniyalarni jalb qilish rejalashtirilganligini ta’kidladi.

Ohangaron tumanida umumiy maydoni 2,6 ming gektar bo’lgan yer uchastkasi ajratildi. Elektr quvvati 2 GVt bo’lishi rejalashtirilgan.