Raqobat qo‘mitasi Yandex Go kompaniyasiga qarshi Uzum Market shikoyati bo‘yicha ish qo‘zg‘atdi

Raqobatni rivojlantirish va iste’molchilar huquqlarini himoya qilish qo‘mitasi Yandex Go’ga qarshi Uzum Market shikoyati bo‘yicha ish qo‘zg‘atdi.

Qo‘mitaga Uzum Market’dan Yandex Go harakatlari yuzasidan shikoyat kelib tushgan. Murojaatnomada aytilishicha, televideniye va ijtimoiy tarmoqlarda tarqatilayotgan reklama roligida YandexGo UB adolatsiz raqobatga yo‘l qo‘ygan va Uzum Market’ning ishbilarmonlik obro‘siga putur yetkazgan.

Dastlabki ko‘rib chiqish natijalariga ko‘ra, qo‘mitaning maxsus komissiyasi “raqobat to‘g‘risida”gi Qonunning 21-moddasi buzilganligi sababli YandexGo UB bilan bog‘liq ish qo‘zg‘atdi.

Ishni ko‘rib chiqish natijalari bo‘yicha qo‘shimcha ma’lumotlar taqdim etiladi.