Wildberries Toshkentda taksi agregatorini ishga tushirdi

Rossiyaning Wildberries marketpleysi O‘zbekiston aholisi uchun o‘zining yo‘lovchi tashish agregatori — WB TAXI xizmatiga kirishni ochdi. Ilova Google Play va App Store do‘konlarida paydo bo‘ldi.

Xizmatni smartfonlarga yuklab olish mumkin. Biroq undan foydalanishni boshlash uchun shaxsiy taklifnoma havolasini olish yoki ilova o‘rnatilgandan so‘ng mustaqil ravishda kutish ro‘yxatiga ariza topshirish talab etiladi.

Mijozlar uchun sodiqlik tizimi joriy etilgan: naqdsiz to‘lov amalga oshirilganda safar qiymatining 50% i ichki valyuta — “tarvuzlar” ko‘rinishida qaytariladi. Har bir yangi foydalanuvchiga 20 ming shartli birlik miqdorida bonus beriladi, ular orqali keyingi buyurtmalarni qisman to‘lash mumkin.

Yo‘lovchilar uchun “Standart”, “Komfort” va “Komfort Plyus” tariflari mavjud. Shuningdek, “Multi” varianti ham taklif etiladi — u bir vaqtning o‘zida bir nechta toifada avtomobil qidirish orqali mashina yetib kelishini tezlashtiradi. Tashishlar Toshkent shahrining ma’muriy chegaralari doirasida amalga oshiriladi, mijozlar uchun 24/7 qo‘llab-quvvatlash xizmati faoliyat yuritadi.