Way II va City Chess bo‘lajak shaxmat chempionlarini qo‘llab-quvvatlamoqda

Shaxmat shunchaki o‘yin emas, balki fikrlash, strategik rejalashtirish va tahliliy ko‘nikmalarni rivojlantirishga yordam beradigan kuchli vositadir. Yosh avlodning aqliy rivojlanishi muhimligini anglagan holda Way II kompaniyasi shaxmat tashabbuslarini qo‘llab-quvvatlashga o‘z hissasini qo‘shishga qaror qildi.

Kompaniya klubni rivojlantirish va yangi ishtirokchilarni jalb qilish uchun zarur jihozlar bilan ta’minlab, uni qo‘llab-quvvatladi.

Shuningdek, Way II tomonidan ochiq shaxmat turniri tashkil etildi. Bu yosh shaxmatchilar uchun yorqin voqea bo‘lib, ularga o‘z mahoratlarini musobaqa sharoitida namoyish etish imkonini berdi.

Way II qo‘llab-quvvatlovi tufayli biz endi dasturlarimizni kengaytirish va ko‘proq bolalarni shaxmatga jalb qilish imkoniyatiga ega bo‘ldik. Way II bilan hamkorlikda ochiq turnirning tashkil etilishi yosh shaxmatchilarga musobaqa muhitida o‘z kuchlarini sinab ko‘rish imkoniyatini yaratibgina qolmay, balki ularning ko‘pchiligini yangi marralarga erishishga ilhomlantirdi. Biz yoshlar o‘rtasida shaxmatga qiziqish ortib borayotganini ko‘rib turibmiz va Way II bilan hamkorligimiz kelajakdagi chempionlarni tarbiyalash uchun poydevor bo‘lishiga ishonamiz. Birgalikdagi sa’y-harakatlarimiz bilan farzandlarimizning aqliy salohiyatini rivojlantirish uchun qulay sharoit yaratmoqdamiz, 一 dedi City Chess asoschisi, shaxmatchi, grossmeyster, ikki karra O‘zbekiston chempioni Saidali Yo‘ldoshev.

Way II uchun shaxmat tashabbuslarini qo‘llab-quvvatlash kelajakka strategik sarmoya hisoblanadi. Kompaniyaning ishonishicha, yoshlarda aqliy qobiliyatlarni rivojlantirish puxta o‘ylangan qarorlar qabul qila oladigan va keng fikrlaydigan yetakchilar va novatorlar avlodini shakllantirishga yordam beradi.
Way II o‘zining ijtimoiy dasturi doirasida yosh avlodning o‘sishi va rivojlanishiga qaratilgan loyihalarni qo‘llab-quvvatlashda davom etadi.

Way II haqida

Way II 一 aholiga yuqori daromadli va ishonchli investitsiya mahsulotlarini taklif etuvchi innovatsion investitsiya kompaniyasidir. Kompaniya shaffoflik, ishonch va professionallik tamoyillari asosida faoliyat yuritadi. Way II investorlarga muvaffaqiyatli sarmoya kiritish uchun eng yaxshi vositalar va sharoitlarni taqdim etishga intiladi. Investorlar yirik va ishonchli kompaniyalarga sarmoya kiritib, daromad olishlari mumkin. Birinchi investitsiya mahsuloti – Akfa Aluminium Group’ga sarmoya kiritish imkoniyatini taqdim etadi.

Reklama huquqlari asosida