Way II 2025-yil CABXPO Chicago xalqaro forumida premier homiy sifatida ishtirok etdi

Joriy yilning 16–17-aprel sanalarida o‘tkazilgan — CABXPO Chikago 2025 xalqaro biznes-forumi 1 000 dan ortiq ishtirokchilarni va AQSh hamda Markaziy Osiyo davlatlarining 150 dan ortiq kompaniyalarini birlashtirdi. Forum mehmonlari va ishtirokchilari orasida investorlar, tadbirkorlar, kichik va o‘rta biznes vakillari, shuningdek, yuqori martabali davlat xizmatchilari ham bo‘ldi.

Forumning faxriy mehmonlaridan biri — O‘zbekiston Respublikasi Raqamli texnologiyalar vaziri Shermatov Sherzod Xotamovich ishtirok etdi, bu esa o‘z navbatida CABXPO Chikago 2025 xalqaro biznes anjumanining yuqori darajadagi nufuzga ega ekanini yana bir bor tasdiqlaydi.

Forumda katta e’tibor Way II investitsiya platformasining bosh homiy sifatida ishtirok etayotganiga qaratildi. Kompaniya barqaror rivojlanish va xalqaro hamkorlik tamoyillariga asoslangan yangi investitsiya madaniyatini taqdim etdi.

Way II kompaniyasi 2024-yilda investorlar va istiqbolli bizneslarni birlashtirish g‘oyasi bilan tashkil etilgan startap sifatida faoliyat boshlagan bo‘lsa, bugunga kelib, butun mamlakat bo‘ylab 500 dan ortiq investor tomonidan ishonch bildirilib, $15 mlndan ortiq investitsiyalar yo‘naltirilgan yirik platformaga aylandi.

Forumda taqdim etilgan asosiy loyihalardan biri — O‘zbekistonning metallurgiya va qurilish sanoatidagi yetakchi kompaniyalaridan biri bo‘lgan Akfa Aluminium Group bo‘ldi. Hozirda 25 yillik tarixga ega kompaniya o‘z mahsulotlarini 30 dan ortiq davlatga eksport qilmoqda. “Katta to‘rtlik” tarkibiga kiruvchi yetakchi xalqaro auditorlik kompaniyasi bahosiga ko‘ra, korxona qiymati $550 mlnni tashkil etadi.

Bundan tashqari, forum ishtirokchilariga Way Invest mobil platformasi ham taqdim etildi. Ushbu ilova keng omma uchun investitsiya jarayonini imkon qadar qulaylashtiradi. Uning yordamida foydalanuvchilar onlayn tarzda investitsiya qilish, dividendlarni kuzatish, ikkilamchi bozorda ishtirok etish va investitsiyalarga oid dolzarb yangiliklarni real vaqt rejimida olish imkoniyatiga ega bo‘ladi.

Xalqaro rivojlanish strategiyasi doirasida ilovaga bir qancha muhim yangilanishlar joriy etildi — endilikda xorijiy telefon raqamlari orqali ro‘yxatdan o‘tish, shuningdek, Visa va MasterCard xalqaro to‘lov kartalari orqali investitsiya qilish imkoniyati yaratildi. Bu esa Way II kompaniyasiga sarmoya kiritmoqchi bo‘lgan xalqaro investor va hamkorlar uchun yanada qulay sharoit yaratishga xizmat qiladi.

Way II — mintaqadagi Islomiy moliya qoidalariga qat’iy amal qiladigan kam sonli platformalardan biri bo‘lib, bu esa uni ishonchli va barqaror moliyaviy yechimlarga ustuvorlik beradigan investorlar uchun yanada jozibador qiladi.

Way II’ning CABXPO Chicago 2025 forumida ishtirok etishi Markaziy Osiyo bilan AQSh o‘rtasidagi iqtisodiy aloqalarni mustahkamlash yo‘lida muhim qadam bo‘ldi. Platforma 14 300 000 so‘mdan boshlanadigan minimal investitsiya miqdori va 10–15% yillik kutilgan daromad bilan investitsion alternativani taklif etadi, valyuta kursidan yo‘qotishlarsiz — to‘lovlar Markaziy bankning amaldagi kursi bo‘yicha hisoblanadi.

Manzil: Toshkent, Yashnobod tumani, Maxtumquli ko‘chasi, 2/1
Telefon: +998 (78) 555-55-55
Sayt: waygroup.uz
Facebook: @Way ll Group
Instagram: @way_ll_group
Telegram: @wayllgroup
Twitter: @way_ll_group
LinkedIn: @wayllgroup
YouTube: @Way_ll_Group

Reklama huquqlari asosida