O‘zbekiston uch oyda qariyb $90 mlnlik telefon import qildi

Qurilmalarning asosiy yetkazib beruvchilari Xitoy va Vyetnam bo‘ldi

Dastlabki uch oyda O‘zbekiston $89,6 mlnlik 885,8 mingta telefon import qildi. Bu haqda Milliy statistika qo‘mitasi xabar bermoqda.

Qurilmalarning eng ko‘p qismi Xitoydan — 679,2 ming dona keltirilgan. Ikkinchi o‘rinda Vyetnam — 175,8 ming dona, uchinchi o‘rinda esa BAA — 15,5 ming dona bilan joylashgan. Keyingi o‘rinlarda Hindiston — 14,5 ming va boshqa davlatlar — 0,8 ming dona bilan qayd etilgan.

Yanvar-fevral oylarida O‘zbekistonga $60 mlnlik 552,6 mingta mobil telefon olib kelindi.

O‘tgan yili mamlakat $374,5 mlnlik 4,2 mlnga yaqin mobil telefon import qilgan.