O‘zbekistonda Temu marketpleysi rasman bloklandi

Xitoyning Temu marketpleysi O‘zbekistonda rasman bloklandi. Bu haqda ILMA Kapital.uz’ga ma’lum qildi.

Ayni vaqtda marketpleysning rasmiy sayti va mobil ilovasida texnik uzilishlar bo‘lmoqda. 

18-mart kuni Temu marketpleysi yuridik shaxs sifatida ro‘yxatdan o‘tib, O‘zbekiston Respublikasi rezidenti statusiga ega bo‘lgandi.

Keyinchalik ILMA vakili Kamronbek Muhammadiyev ta’kidlashicha, Temu yuridik shaxs ro‘yxatdan o‘tkazilgunga qadar O‘zbekistondagi faoliyati davomida qo‘shilgan qiymat solig‘ini (QQS) to‘lashi shart.

O‘sha vaqtda tomonlar bu haqda muzorakalar o‘tkazilayotgani haqida aytilgandi.