Shuhratbek Qurbonov “TBC Bank Uzbekistan” boshqaruv raisi maslahatchisi bo‘ldi

“Humo” sobiq rahbari neobankning biznes yo‘nalishlari va to‘lov xizmatlarini rivojlantirishga yordam beradi

Фото: Bankers.uz

Shuhratbek Qurbonov “TBC Bank Uzbekistan” boshqaruv raisining biznes-segmentni rivojlantirish va to‘lovlarga xizmat ko‘rsatish masalalari bo‘yicha maslahatchisi etib tayinlandi. Bu haqda Kapital.uz’ga kompaniya matbuot xizmati xabar berdi.

“Maqsadimiz zamonaviy texnologiyalar, moliyaviy vositalar va jamoaviy ishlash orqali kichik va o‘rta biznesning o‘sishi uchun qulay muhit yaratishdir”, – dedi Qurbonov.

Qurbonov 2018-yil oxiridan buyon Humo to‘lov tizimi operatori – “Milliy banklararo protsessing markazi” ga rahbarlik qilib kelayotgandi. Joriy yilning mart oyida aksiyadorlarning navbatdan tashqari yig‘ilishi qaroriga ko‘ra, u o‘z xohishiga ko‘ra lavozimini tark etgandi. Uning o‘rniga “Octobank” rahbari o‘rinbosari lavozimida ishlagan Aleksey Maksimov tayinlandi. Shu bilan birga, Qurbonov Humo’ning yangilangan kuzatuv kengashi tarkibida o‘z faoliyatini davom ettirdi.