O’zbekistonda sayyohlik agentliklari va restoranlarga QQSning bir qismi qaytariladi

Joriy yilning 30 avgust kuni prezident tomonidan tadbirkorlar bilan to’rtinchi ochiq muloqot chog’ida qo’yilgan vazifalarni amalga oshirish chora-tadbirlari to’g’risida prezident farmoni qabul qilindi. Bu haqda Adliya vazirligi xabar bermoqda.

Joriy yilning 1-oktabridan turoperatorlik va mehmonxona xizmatlarini ko’rsatuvchi tadbirkorlar hamda 2025-yil 1-yanvardan boshlab umumiy ovqatlanish bilan shug’ullanuvchilar hisobot davri uchun 2028-yil 1-yanvargacha respublika byudjetidan to’langan QQSning bir qismini quyidagi miqdorlarda qoplaydilar:

• Naqd pulsiz aylanmasi 60%dan ortiq bo’lgan umumiy ovqatlanish korxonalari uchun – to’langan QQSning 40%;
• Naqd pulsiz aylanmasi 60% dan kam bo’lgan umumiy ovqatlanish korxonalari uchun – to’langan QQSning 20%;
• Turoperatorlik va mehmonxona xizmatlarini ko’rsatadigan tadbirkorlar uchun – to’langan QQSning 20%.

Shuningdek, 1-noyabrdan boshlab inson hayoti va salomatligi uchun yuqori xavf omillarining ochiq reestri joriy etiladi. 

2025-yil yanvar oyi boshidan nazorat qiluvchi organlar tadbirkorlarning faoliyatini faqat reyestrga kiritilgan omillar asosida to’xtatib turishi mumkin. Bundan tashqari, ushbu davrda tartibga soluvchilar tadbirkorlar faoliyatida huquqbuzarliklar ehtimolini aniqlash uchun “xatarlarni tahlil qilish” elektron tizimini joriy qilmoqdalar.