Qirg’iziston-O’zbekiston zavodida birinchi avtomobil may oyida ishlab chiqariladi

«Altin Tulpar unaa qurulush» loyihasi rahbari Bahautdinov Qirg’iziston-O’zbekiston qo’shma zavodining birinchi avtomobili konveyerdan may oyining oxirigacha chiqarilishini ma’lum qildi. Bu haqda Economist.kg nashri xabar bermoqda.

Dastlabki bosqichda kompaniya transport vositalarini yig’adi keyinchalik ishlab chiqarishni lokalizatsiya qiladi. Bahautdinov «Chevrolet» va «Isuzu» yengil avtomobillarini ishlab chiqarish rejalashtirilganligini aytdi.

Qirg’iziston va O’zbekiston o’rtasida qo’shma avtomobil zavodi qurish to’g’risidagi bitim o’tgan yilning 29 yanvarida imzolangan edi. Dastlab kompaniya iyul oyida ish boshlashi haqida xabar berilgan edi, keyinchalik ishga tushirish muddati sentyabrga, keyin esa joriy yilning boshiga ko’chirildi. Qirg’iziston hukumati tomonidan e’lon qilingan zavodni ishga tushirishning so’nggi rasmiy taxminiy muddatlari joriy yilning ikkinchi choragida belgilangan.