“Portlatishsanoat” aksiyalarini “Toshkent” fond birjasida sotish boshlandi

“Portlatishsanoat” kompaniyasining oddiy va imtiyozli aksiyalari kotirovkalar varaqasiga qo‘shildi. Bu haqda “Toshkent”respublika fond birjasi xabar berdi. 

Aksiyalarni kiritish to‘g‘risidagi qaror birja boshqaruvi tomonidan 4-noyabrda qabul qilinib, bugundan kompaniya aksiyalari fond birjasida PLST va PLSTP tickerlari ostida sotilishi boshlandi. 

Ma’lumot uchun, “Portlatishsanoat” 1994-yil avgust oyida ro‘yxatdan o‘tgan bo’lib, qurilish maydonchalarida tayyorgarlik ishlari bilan shug‘ullanadi. Ustav kapitali 1 mlrd 480 mln so‘mni tashkil etadi. Kompaniyaga Alimdjan Uskambaevich Gaziev rahbarlik qiladi.