Pavel Durovning O’zbekistonga kelishi sababi aniqlandi 

«Telegram» messenjerining asoschisi Pavel Durov «Toncoin» kripto valyutasini qonuniylashtirish masalasini hal qilish uchun Toshkentga kelgan bo’lishi mumkin. Bu haqda «Repost.uz» xabar bermoqda.

Shuningdek, TON O’zbekistondagi birinchi qonuniy kripto valyuta bo’lishi mumkinligi taxmin qilinmoqda. Bunga parallel ravishda ular «Wallet»ga rasmiy kirishni ochishlari mumkin.

Tashrif doirasida milliy to’lov tizimlari bilan integratsiya qilinishi mumkin bo’lgan mamlakatdagi yagona «Telegram-bank»i tashkil etilishi kutilmoqda.

Shuningdek, Pavel Durov Toshkentdan tashqari Samarqand va Buxoroga tashrif buyurishni rejalashtirayotgani haqida xabar berilgan.