«Microsoft»ning ishdan chiqishi O’zbekiston aeroportlariga ta’sir qilmadi

«Microsoft» tizimidagi global muammolar O’zbekiston xalqaro aeroportlari faoliyatiga ta’sir qilmadi. Bu haqda «Uzbekistan Airports» matbuot xizmati xabar bermoqda.

Barcha aeroportlar parvozlar jadvali odatdagidek ishlaydi.

Aviakompaniyalarda yo’lovchilarni ro’yxatga olish dasturi bilan bog’liq muammolar yuzaga kelganda, «Uzbekistan Airports» o’z ro’yxatga olish tizimini muqobil yechim sifatida taklif qilishga tayyor, — deyiladi matbuot xizmati xabarida.

Eslatib o’tamiz, jahon aeroportlari va aviakompaniyalari katta nosozliklarga duch kelishmoqda. AQShda «Microsoft Windows» tizimida shaxsiy kompyuterlar va kompaniyalarning ish stantsiyalariga ta’sir ko’rsatadigan muammolar ham qayd etilgan.