O‘zbekistonda oltin quymalari narxi keskin tushdi

O‘zbekistonda oltin quymalari narxi keskin tushdi. 2025-yil 23-oktabr holatiga ko‘ra, Markaziy bank tomonidan muomalaga chiqarilgan oltin quymasining bir gramm narxi 1,62 mln so‘mni tashkil qildi.

Mamlakatda 5 grammli oltin quymalari narxi 8,32 mln so‘mlik qiymatdan bir kunda 209 ming so‘mga yoki 2,51% ga arzonladi.

Hozirgi kunda quymalar narxi quyidagicha:

• 5 gramm — 8,1 mln so‘m;
• 10 gramm — 16,2 mln so‘m;
• 20 gramm — 32,4 mln so‘m;
• 50 gramm — 81,1 mln so‘m;
• 100 gramm — 162,3 mln so‘m.

Kecha, 22-oktabrda  jahon bozorida qimmatbaho metall bir kunda 6% ga arzonlagan. Xabar nashr qilinayotgan vaqtda oltinning birja narxi bir unsiyasi uchun $4,1 mingni tashkil qildi.

Eslatib o’tamiz, 17-oktabr kuni 5 grammli oltin quymalari narxi 44-marta rekordni yangilagan edi.