Oltin narxi tarixda birinchi marta untsiya uchun $2500dan oshdi

Oltin yangi rekord o’rnatdi va birinchi marta untsiya uchun $2500dan oshdi. 1 avgust kuni Chikago tovar birjasida dekabr oyidagi oltin shartnomasi 1,21%ga oshib, Toshkent vaqti bilan soat 6:29 ga qadar untsiya uchun $2502,8ni tashkil etdi.

Oltin narxi yaqin Sharqdagi keskinliklar va AQSh FZT stavkasining pasayishi kutilayotgani sababli ko’tarilmoqda, deya xabar beradi Reuters. Odatda, oltin past foiz stavkalarida qimmatlashadi, chunki u obligatsiyalar va boshqa doimiy daromadli aktivlarga nisbatan jozibador bo’lib qoladi. AQSh saylovlari va global xavflar tufayli oltinga talab ham oshishi mumkin.

30-31 iyul kunlari bo’lib o’tgan FZT yig’ilishi natijalariga ko’ra, stavka yillik 5,25–5,5% darajasida qoldi, bu 20 yildan ortiq vaqt davomidagi eng yuqori ko’rsatkichdir. FZT raisi Jerom Pauellning ta’kidlashicha, agar iqtisodiy vaziyat o’zgarmasa, stavkalar sentyabr oyidayoq pasaytirilishi mumkin.