O‘zbekistonga ishbilarmonlik tashriflari soni 3,4 barobar ko‘paydi

Yanvar-iyun oylari davomida 223,6 ming nafar chet el fuqarosi tijorat maqsadida O‘zbekistonga tashrif buyurgan. Bu haqda Milliy statistika qo‘mitasi ma’lum qilmoqda.

Ushbu ko‘rsatkich o‘tgan yilning shu davriga nisbatan 3,4 barobar yoki 158,6 ming kishiga oshgan.

Joriy yilning olti oyida kelganlarning eng ko‘p qismi Afg‘oniston fuqarolari bo‘lib, ular soni 207,5 ming kishini tashkil etgan. Ikkinchi o‘rinda Tojikiston fuqarolari — 12,2 ming kishi. Uchinchi o‘rinda esa Turkmaniston — 1,6 ming kishi bilan joy olgan.

Qolgan kelgan chet ellik fuqarolar ro‘yxati quyidagicha:

• Rossiya — 451 nafar;
• Turkiya — 276 nafar;
• Qozog‘iston — 255 nafar;
• Boshqa davlatlar — 1,1 ming kishi.