Toshkentda noqonuniy tashqi reklama olib tashlanadi

Joriy yil oxirigacha Toshkentda noqonuniy o’rnatilgan tashqi reklama obyektlari demontaj qilinadi. Bu haqda poytaxt hokimi Shavkat Umurzakovning farmoyishidan ma’lum bo’ldi.

Raqamli texnologiyalar bo’limi demontaj qilishni tashkil qiladi. Ishni bajarish uchun pudratchi tanlov orqali tanlanadi.

Demontaj qilinganidan keyin tuzilmalar 30 kun davomida saqlanadi. Agar egalari ularni belgilangan muddatda olib ketmasalar, obyektlar qayta ishlash yoki sotishga yo’naltiriladi. Daromad shahar byudjetiga tushadi.

Bundan tashqari, shahar ma’murlari reklama tuzilmalarini joylashtirish uchun mavjud joylar haqida ma’lumot beradigan «tashqi reklama» tizimini ishga tushirishni rejalashtirmoqda.