NKMK quyosh energiyasini rivojlantirishga $450 mln sarmoya kiritadi

Navoiy kon-metallurgiya kombinati (NKMK) qayta tiklanadigan energiya manbalaridan faol foydalanish bo’yicha $450 mlnlik uch yillik rejani amalga oshirishni e’lon qildi. Bu haqda Mining.com xabar berdi.

Dastur 2030 yilga kelib qayta tiklanadigan energiya ulushini mamlakatdagi umumiy elektr energiyasining 40%gacha oshirishga qaratilgan tashabbusni qo’llab-quvvatlaydi. 

Joriy yilning birinchi yarmida NKMK 21 ta sanoat maydonchasida quyosh panellarini o’rnatdi, bu esa 5750 kVt quvvat va kutilayotgan yillik ishlab chiqarish 9,7 mln kVt\soatni tashkil etdi.

Kombinat Navoiy viloyati Tomda tumanida 500 MVt quvvatga ega elektr stansiyasini qurib, quyosh energiyasidan foydalanishni kengaytirishni davom ettirmoqda. Qurilish ikki bosqichga bo’lingan: 220 MVt quvvatga ega birinchi bosqich, rejalashtirilgan 374 million kVt / soat ishlab chiqarish joriy yil oxirida, ikkinchi bosqich esa 280 MVt quvvatga ega bo’lib, yillik ishlab chiqarish 476 million kVt / soat – 2025 yil oxiriga qadar.

Qayta tiklanadigan energetikaga, shu jumladan quyosh stansiyasiga investitsiya dasturi har yili taxminan 1 mlrd kVt / soat elektr energiyasini ishlab chiqarishi kutilmoqda, bu kompaniyaning yillik energiya iste’molining 21,4%ni tashkil etadi. Ushbu sa’y-harakatlar o’tgan yilgi natijalar bilan to’ldirilib, turli xil obyektlarda umumiy quvvati 1200 kVt bo’lgan quyosh panellari o’rnatildi, shu jumladan mashinasozlik zavodida 1000 kVt va boshqa bo’linmalarda 100 kVt.

Bundan tashqari, kompaniya suvni isitish uchun quyosh energiyasidan foydalanadi va an’anaviy energiya manbalarini iste’mol qilishni kamaytiradi. 4993 ta quyosh suv isitgichlarining o’rnatilishi tufayli NKMK yozda issiq suvga bo’lgan ehtiyojini to’liq qoplaydi va har yili taxminan 1,7 million kub metr tabiiy gazni tejaydi.