“NKMK” ning ishlab chiqarish hajmi qariyb 94 trln so‘mni tashkil qildi

2024-yilda “Navoiy kon-metallurgiya kombinati” AJ tomonidan 93,9 trln so‘mlik mahsulot ishlab chiqarildi. Bu haqda “NKMK” rasmiy sahifasida ma’lum qildi.

Unda qayd etilishicha, ishlab chiqarish hajmi 2023-yilga nisbatan 105,3% ga o‘sgan. 

Aksiyadorlik jamiyati yil davomida davlat byudjetiga 57,5 trln so‘m miqdorida soliqlar va dividendlarni to‘lagan.

Shuningdek, “NKMK” ga $790 mln qiymatidagi investitsiya yo‘naltirilib, 715 ta yangi ish o‘rni yaratildi.

Mahalliylashtirish dasturi doirasida 916 mlrd so‘mlik mahsulot ishlab chiqarilgan, tarmoqlararo sanoat kooperatsiyasi bo‘yicha esa 6,2 trln so‘mlik mahsulot xarid qilindi.

Bundan tashqari, xarajatlarni optimallashtirish bo‘yicha kompleks chora-tadbirlar natijasida ishlab chiqarilgan mahsulotning tannarxi 3,7 trln so‘mga kamaytirildi.