Toshkentdagi Kichik halqa avtomobil yo‘lida harakat yana 4 kunga cheklanadi

Shu sababli Foziltepa va Beshqayrag‘och ko‘chalari oralig‘ida harakat bir tomonlama bo'ladi

Foto: Toshkent shahri hokimligi

T️oshkent shahri Uchtepa tumanidagi Kichik halqa avtomobil yo‘lida 27-noyabr 22:00 dan 1-dekabr 22:00 gacha avtomobillar harakati cheklanadi.

Shahar hokimligining ma’lum qilishicha, hozirda KHAYda ta’mirlash ishlari olib borilmoqda. Shu sababli uning Foziltepa ko‘chasi kesishmasidan Beshqayrag‘och ko‘chasi kesishmasigacha bo‘lgan yo‘l qismi shu muddat ichida bir tomonlama harakat vaqtincha to‘xtatiladi.

Ma’muriyat haydovchilardan yo‘nalishni oldindan rejalashtirishni so‘radi.

Eslatib o‘tamiz, aynan shu hududda 21-noyabr soat 20:00 dan 24-noyabr soat 06:00 gacha ham transportlar harakati cheklangandi.