Farg’ona viloyatida jamoat transportlarining tabaqalashtirilgan narxlari belgilandi

Farg’ona viloyatida yo‘lovchilarni tashish xizmatlari bo‘yicha tabaqalashtirilgan tariflar belgilandi. Bu haqda viloyat hokimligi ma’lum qildi.

Unga ko‘ra, yo‘l narxlari avtobuslarda bir nafar yo‘lovchi uchun 3000 so‘m, yo‘nalishli taksi (mikroavtobus)larda 4000 so‘m etib belgilandi.

Shuningdek, avtobuslarda elektron shaklda to’langan to’lovlar (transport kartasi, ATTO, bank kartalari) bir nafar yo’lovchiga yo’l haqi 2400 so’mni tashkil etadi.

Shahar yoʻnalishlaridagi avtobuslarda yo’lovchilarning 7-yoshgacha boʻlgan bolalari uchun haq undirilmaydi.