Forbes dunyodagi eng boy insonlarning yangi reytingini e’lon qildi

Amerikaning Forbes jurnali sayyoradagi eng boy odamlarning 39-yillik reytingini e’lon qildi. Birinchi o‘rinni Tesla va SpaceX asoschisi Ilon Mask egalladi, uning boyligi $342 mlrd deb baholandi.

Reytingning ikkinchi pog‘onasini $216 mlrd mablag‘ bilan Meta rahbari Mark Sukerberg egalladi, uchinchi o‘rinda esa $215 mlrd boylikka ega bo‘lgan Amazon asoschisi Jeff Bezos joylashdi.

To‘rtinchi o‘rinni Oracle korporatsiyasi hammuassisi Larri Ellison ($192 mlrd) egalladi, dunyoning eng boy odamlari beshligini esa o‘tgan yili reytingda yetakchilik qilgan Louis Vuitton Moet Hennessy (LVMH) prezidenti Bernar Arno yakunladi. Uning boyligi $178 mlrdga baholandi.

O‘ntalikka kirgan boshqalar:

Uorren Baffet — $154 mlrd;

Larri Peyj — $144 mlrd;

Sergey Brin — $138 mlrd;

Amansio Ortega — $124 mlrd;

Stiv Balmer — $118 mlrd.

Alisher Usmonov vakilligini o‘zgartirdi

Forbes milliarderlari ro‘yxatiga ilk bor O‘zbekiston vakili sifatida Alisher Usmonov kiritildi. Ilgari u Rossiya vakili sifatida reytingda qatnashgan edi. Uning boyligi $16,7 mlrdga baholanib, bu unga jahon ro‘yxatida 125-o‘rinni egallash imkonini berdi.