O‘zbekistonda Ramazon hayiti va Navro‘z bayrami munosabati bilan dam olish kunlari belgilandi

Ayrim xodimlar to‘rt kun ketma-ket dam oladi

Фото: Абдумавлон Мадмусаев / Kapital.uz

O‘zbekistonda Ramazon hayiti va Navro‘z bayrami munosabati bilan dam olish kunlari tartibi belgilandi. Bu haqda Adliya vazirligi xabar berdi.

Ma’lum qilinishicha, 20-mart — Ramazon hayiti munosabati bilan, 21-mart esa Navro‘z bayrami munosabati bilan barcha uchun dam olish kuni deb e’lon qilingan.

22-mart (yakshanba) odatdagi dam olish kuni hisoblanadi.

Shu bilan birga, 23-mart (dushanba) besh kunlik ish haftasida ishlaydigan xodimlar uchun qo‘shimcha dam olish kuni bo‘ladi. Bu bayram kunlaridan biri dam olish kuniga to‘g‘ri kelgani sababli keyingi ish kuniga ko‘chirilgan.

Olti kunlik ish haftasida ishlovchilar uchun esa 23-mart ish kuni bo‘lib qoladi.

Shunday qilib, besh kunlik ish haftasida ishlovchilar 20–23-mart kunlari ketma-ket to‘rt kun dam olishadi.