“Citigroup” Toshkentda o‘z vakolatxonasini ochishni rejalashtirmoqda

“Citigroup” yaqin kelajakda Toshkentda o‘z vakolatxonasini ochishni rejalashtirmoqda. Bu haqda kompaniya vakillari Investitsiyalar, sanoat va savdo vazirligi rahbariyati bilan uchrashuvi davomida ma’lum qildi.

Muzokaralar chog‘ida investitsiyalarni jalb etish, eksportni qo‘llab-quvvatlash va davlat-xususiy sheriklik asosidagi loyihalarni amalga oshirish bo‘yicha hamkorlikni rivojlantirish masalalari muhokama etildi. Vakolatxonaning ochilishi bir qator yo‘nalishlarda o‘zaro hamkorlikni mustahkamlashda qo‘shimcha omil bo‘ladi.

“Citigroup” yirik xalqaro moliya tashkilotlari safiga kiradi va rivojlanayotgan bozorlarda faoliyat yuritish tajribasiga ega. Bunday nufuzli tashkilotlarning ishtiroki moliyaviy infratuzilmani rivojlantirish va O‘zbekistonning mintaqaviy darajadagi mavqeini mustahkamlashga xizmat qiladi.