Bitcoin narxi $81 mingdan oshdi

So‘nggi 24 soat ichida kriptovalyuta deyarli 6%ga o‘sdi. Bu haqda “CoinDesk” xabar berdi.

Toshkent vaqti bilan 11-noyabr soat 7:17 holatiga ko‘ra, Bitkoin $81,3 mingga baholanib, eng yuqori ko’rsatkich $81,5 mingni ko‘rsatdi.

Bunga sabab AQSh prezidenti Donald Trampning saylovdagi g‘alabasi fonida bitkoin o‘sib borayotgani bo’lmoqda.

Bundan oldin, 6-noyabr kuni Bitkoin narxi $75 mingga ko’tarilgani xabar berilgandi.