O’zbekistondagi ayol tadbirkorlarga yarim yil ichida 1 trln so’mdan ortiq kredit berildi

Joriy yilning birinchi yarmida 74 mingdan ziyod tadbirkor ayol banklardan 1,2 trln so’mlik kredit oldi. Bu haqda oila va ayollar qo’mitasi xabar beradi. 

Yanvar va iyun oylari orasida 90 mingga yaqin ayol kasb-hunar va hunarmandchilik bo’yicha o’qitildi, 38 ming kishi tadbirkorlik kurslarini tamomladi.

Mamlakatda 138 ming ayol ish bilan ta’minlandi va 40 mingdan ortiq kishi pullik jamoat ishlariga jalb qilindi. Iyul oyi boshida 50,5 ming ayol fermer xo’jaliklarini tashkil etish uchun uzoq muddatli ijaraga yer oldi.