ILMA “Asterium” ga kripto-birja faoliyati uchun litsenziya berdi

Istiqbolli loyihalar milliy agentligi (ILMA) “Asterium” kompaniyasiga kripto-birja faoliyatini amalga oshirish uchun litsenziya berdi.

12-mart kuni kompaniya kripto-do‘kon sifatida ishlash uchun litsenziya oldi. Bu haqdagi ma’lumotlar elektron reyestrga kiritilib, agentlikning rasmiy veb-saytiga joylashtirilgan.

19-martda ILMA “Asterium”ga kripto-depozitariy faoliyatini amalga oshirish uchun litsenziya ham berdi.

Kompaniya 2022-yil 15-avgustda ro‘yxatdan o‘tgan. Uning ta’sischisi Komilxo‘ja Abdukarimovich Sultonov hisoblanadi. 

“Asterium” kripto-birja faoliyatini amalga oshirish uchun litsenziya olgan uchinchi, kripto-do‘kon maqomidagi o‘n birinchi va kripto-depozitariy sifatidagi beshinchi kompaniyaga aylandi.