O‘zbekiston banklaridagi muammoli kreditlar 23,6 trln so‘mdan oshdi

2025-yil 1-may holatiga ko‘ra, O‘zbekiston bank sektoridagi muammoli kreditlar (NPL) 23,65 trln so‘mni tashkil etib, jami ajratilgan kreditlarning 4,2% ini tashkil etdi. Bu haqda Markaziy bank xabar bermoqda.

Davlat banklarida NPL ulushi 4,2% dan 4,1% ga kamaydi, xususiy banklarda esa bu oy ham 4,3% darajasida qoldi.

Davlat banklari orasida muammoli kreditlarning eng katta ulushi “Biznesni rivojlantirish banki”da qayd etildi — 7,9% (o‘tgan oyda 8,1%). Keyingi o‘rinlarda “Mikrokreditbank” — 6,6% (o‘zgarishsiz), “Asakabank” — 4,8% (o‘tgan oyda 4,7%) va “Agrobank” — 4,2% (o‘tgan oyda 4,5%).

Xususiy sektorda esa “Garant Bank” — 22,4% (o‘tgan oyda 23,4%) ko‘rsatkich bilan yetakchilik qilmoqda. Keyingi o‘rinlarda “AVO Bank” — 12,7% (13,1%) va “Ipoteka-bank” — 9,7% (10,2%) ko‘rsatkich bilan bormoqda.

Aprel oyida banklarning umumiy kredit portfeli 551,8 trln so‘mdan 565,5 trln so‘mga oshdi. Shundan 389 trln so‘mi davlat banklariga, 176,4 trln so‘mi esa xususiy banklarga to‘g‘ri keladi.