Angren shahriga 15 ta yangi avtobuslar olib kelindi

Avvalroq, “ANGREN AVTO GROUP” MCHJ tomonidan Xitoydan 15 ta YUTONG rusumli avtobuslarni bank krediti asosida xarid qilish bo‘yicha shartnoma imzolangan edi. 

Transport vazirligi ma’lum qilishicha, avtobuslar kecha, 3-mart kuni olib kelingan. 

Yil davomida Toshkent viloyatining 7 ta shahrida brutto-shartnoma tizimi asosida 21 ta yo‘nalishida tashuvlarni tashkil etish maqsadida 170 ta yangi avtobuslarni xarid qilish rejalashtirilgan.

Kapital.uz, avvalroq, 2025-yilda Toshkentga mingta yangi avtobus olib kelinishi haqida xabar bergandi.

Brutto-shartnoma tizimi – yoʻnalishlarda cheklangan tariflarda yoʻlovchi tashish хizmatlari uchun “bosib oʻtilgan yoʻl” va “sifat” mezonlaridan kelib chiqqan holda hisob-kitob qilishni nazarda tutuvchi vakolatli organ va tashuvchi oʻrtasida tuzilgan shartnoma.