O’zbekistonda alyuminiy ichimlik qutisi zavodi quriladi

“Arnest qadoqlash yechimlari” AJ bilan “Navoiy sanoatni rivojlantirish kompleksi” maxsus sanoat hududida ichimliklar uchun alyuminiy qutilar ishlab chiqarish zavodini qurish loyihasi bo’yicha investitsiya bitimini imzoladilar. Bu haqda Investitsiyalar, sanoat va savdo vazirligi xabar berdi. 

Unga koʻra “AQY” AJning $100 mln investitsiyasi alyuminiy ichimliklar qutisini ishlab chiqarishga 2 ta yuqori texnologiyali liniyalarni o’rnatishga yo’naltiriladi. 

Korxonada ishlab chiqarish yiliga 1,5mlrd bankadan oshadi va 200 dan ortiq ish o’rinlari yaratiladi. Zavod 2025-yilning kuzida ishga tushirilishi rejalashtirilgan.

Ishlab chiqarilayotgan mahsulotlarning 30%dan ortigʻini eksport qilish rejalashtirilgan.