Afg’oniston O’zbekistonga iste’mol qilingan elektr energiyasi uchun qarzini to’ladi

Afg’oniston milliy energetika kompaniyasi  Da Afghanistan Breshna Sherkat iste’mol qilingan elektr energiyasi uchun to’rt mamlakat, shu jumladan O’zbekiston oldidagi $627 mlnlik qarzini to’ladi. Bu haqda Hasht-e Subh Daily xabar berdi.

Ta’kidlanishicha, so’nggi ikki yil ichida Afg’onistonning O’zbekiston, Tojikiston, Turkmaniston va Eron oldidagi qarzlar to’planib qolgan, ammo endi bu qarzlar to’liq to’lanmoqda. Rasmiylardan birining so’zlariga ko’ra, bu qarzlar avvalgi hukumat davrida paydo bo’lgan.

Afg’oniston energiya ehtiyojlarining katta qismini qo’shni davlatlar — Eron, O’zbekiston va Turkmaniston orqali qamrab oladi.