«Biznesni rivojlantirish banki» xodimi ACCA a’zosi bo‘ldi
ACCA moliya, buxgalteriya hisobi va audit sohalaridagi mutaxassislarni birlashtirgan Britaniya buxgalterlar assotsiatsiyasi hisoblanadi
Toshkent shahrida Association of Chartered Certified Accountants (ACCA) tashkilotining yangi a’zolarini taqdirlash va tashkilotning 120 yilligiga bag‘ishlangan tadbir bo‘lib o‘tdi.
Tantanali marosimda “Biznesni rivojlantirish banki” ATBning Buxgalteriya hisobi va moliyaviy menejment departamenti direktori o‘rinbosari Sarvar Safarov ACCAning xalqaro buxgalteriya, moliya, audit va soliq fanlariga asoslangan barcha (13 ta) imtihonlarini ingliz tilida muvaffaqiyatli topshirganligi va ACCA tashkilotiga a’zo bo‘lganligi munosabati bilan taqdirlandi.
Ma’lumot uchun, ACCA moliya, buxgalteriya hisobi va audit sohalaridagi mutaxassislarni birlashtirgan Britaniya buxgalterlar assotsiatsiyasi hisoblanadi.
ACCA eng nufuzli va mukammal imtihonlardan iborat, shaxsning professional bilimlarga ega ekanligini tasdiqlovchi sertifikatlardan biri hisoblanadi. Bu haqda bank axborot xizmati xabar berdi.
Ulashish:
Moliya va biznes haqida ko'proq yangiliklar Telegram kanalda @KPTLUZ
