Toshkentda 40 ta yangi yoqilg‘i quyish stansiyalari quriladi

Toshkent shahrida soddalashtirilgan tartibda avtomobillar uchun 40 ta yoqilg‘i quyish stansiyalari quriladi. Bu haqda shahar kengashi qaror qabul qildi.

Qaror bilan, shuningdek, Olmazor tumani Jiydali mahallasi Katta halqa yo‘li ko‘chasida fud kourt va sport maydonchalarini o‘z ichiga oladigan majmua tashkil etiladi.

Bundan tashqari, Toshkentga voha viloyatlaridan kirib kelish — Chilonzor tumani Beshqo‘rg‘on mahallasi va Katta Do‘mbirobod mahallasida avtoturargohlar quriladi.

Loyihalar 10 yil muddatda davlat-xususiy sheriklik asosida amalga oshiriladi.

Avvalroq Toshkentda uzunligi qariyb 100 km bo‘lgan halqa va yangi xalqaro aeroport yo‘nalishida shahar markazi orqali o‘tuvchi magistral pulli yo‘llari qurilishi haqida yozgan edik.